లాక్ తీసారా ??
లాక్ తీసారా ?? "ఎడబాటు తో ఎన్నాళ్ళో దూరం తొలగి తిరిగి కలిసే ప్రేమికులలా" .. దేశ ప్రజలకు సుమారు 2 నెలల వ్యవధి తరువాత కేంద్రం లాక్ డౌన్ నుండి వెసులుబాట్లు ఇచ్చింది . ఇక్కడ ముఖ్య విషయం ఏమిటంటే "ప్రభుత్వం " లాక్ తీసింది కానీ "కరోనా కాదని"ప్రజలు గమనించాలి . మన బాధ్యత ఇప్పుడు ఇంకా ఎక్కువ వుంది .ఇన్నాళ్లు ఇంట్లోఉండి, ఒకే సారి బయట బలాదూర్ తిరిగామో కరోనా తో కాటు తప్పదు. చేతుల శుభ్రత ,మాస్కు ధరించటం,భౌతిక దూరంలాంటివి మరిచిపోకుండా పాటించాలి . కరోనా నుంచి మనం ఏమి నేర్చుకున్నాం ? మనిషికున్న అహంకారాన్ని ఈ కరోనా మహమ్మారి ఒక్కసారి నేలకేసి కొట్టి ప్రకృతి ముందు మనిషి చాలా "చిన్నజీవ"ని తెలియచేసింది. మనిషి లేకుండా ప్రకృతి లోని జీవరాసులు హాయిగా స్వేచ్ఛగా విహరించాయి . అంటే మనిషికి ప్రకృతి తో,ఇతర ప్రాణులతో పని కానీ, వాటికీ మన అవసరం అంతలేదన్నమాట !! అడవులని నరికి ,పట్టణాలు చేసి ధ్వని ,వాహన కాలుష్యాన్ని తానే తయారు చేసి , కష్టాలు కొనుకొన్ని తెచ్చుకొని హాస్పిటల్ చుట్టూ తిరిగి, తన సంపాదన హారతి చే...
